प्रथम खवा खिसणीने खिसुन घेणे. आता पराती मध्ये मैदा आणि अगदी चिमूटभर सोडा छान मिक्स करून घेणे. आता त्या मध्ये खिसलेला खवा छान एकजीव मळून घेणे.

आता हा गोळा झाकून 20-25 मिनिटे बाजूला ठेवून देणे. आता पाक करून घेणे. त्या साठी एका पातेले मध्ये साखर घेणे. व त्यात साखर बुडे पर्यंत पाणी घालून गॅस वर ठेवणे. साखर विरघळू देणे. आता त्यात वेलची पूड व केशर काड्या घालून घेणे.5 मिनिटे पाक उकळून घेणे. थोडा चिकट झाला कि गॅस बंद करणे.

आता बाजूला ठेवलेला खवा छान मळून घेणे. व त्याचे लिंबा पेक्षा ही कमी आकाराचे छोटे छोटे गोळे करून घेणे.गोळे करताना चिरा पडू देऊ नये. छान खवा मळून घेणे.

आता गॅस वर कढई ठेवून त्यात तळण्यासाठी तेल घालावे. तेल मध्यम आचेवर तापवून घेणे. आता तेल गरम झाले कि तयार केलेले गोळे अगदी मध्यम आचेवर सोनेरी रंगावर तळून घेणे. तळताना चमच्याने एकसारखे अलगद हलवत तळावेत म्हणजे एकसारखा रंग येतो.तळून झाले कि अलगद झाऱ्या मध्ये घेऊन काढावेत. सगळे गोळे तळून घेणे.

आता तयार पाक थोडासा गरम करून त्यात हे तळलेले गोळे घालावेत पाकात छान मुरू द्यावेत. मस्त असे खवा गुलाबजामून खाण्यासाठी तयार होतात.