સૌ પ્રથમ બધી સામગ્રી તૈયાર કરી લો. પાલક ફુદીનો લીલા મરચાં આદુ લસણ બધું સરખું ધોઈ લો. 1 મિક્સર જાર માં બધું લઈ પ્યોરી બનાવી લો. 1 વાસણ માં પાલક ની પ્યોરી, મીઠું, સંચળ, કાળા મરી પાઉડર, ચાટ મસાલો, તેલ અને આમચૂર પાઉડર ઉમેરી સરખું મિક્સ કરી લો.

હવે જરૂર મુજબ ચણા નો લોટ ઉમેરાતાં જાઓ અને લોટ બાંધતાં જાઓ. સેવ નો લોટ બાંધતાં હોય આવો જ લોટ બાંધવાનો છે. તળવા માટે તેલ ગરમ મૂકો. સેવ પાડવાના સંચા ને તેલ થી ગ્રીઝ કરી લો.

સંચા માં લોટ ભરી મધ્યમ આંચ પર બેઉ બાજુ તળી લો. આવી રીતે બધી સેવ પાડી લો. ઠંડી થવા દો. પછી ભાંગીને સર્વ કરો. એર ટાઇટ ડબ્બા માં ભરીને સ્ટોર કરો.