نقشر البطاطا وننظفها ونقسمها على اربعة ونحطها في قدر مع الماء والملح ومغرفة زيت وزوج فصوص ثوم ونطيبها، لازم اطيب متماسكة بدون ان تتفتت

من جهة اخرى نحط القدر على نار هادئة ونحط فيها الزيت، نضيف الثوم مقطع صغير ونضيف الطماطم مرابية ونضيف الملح والكمون والفلفل الاحمر والفلفل الاسود والكراوية ونقيلهم مليح ونمرق بالماء الي طيبنا فيه البطاطا

ومن جهة نكونو غسلنا الحوت تاعنا ونظفناه ونقطعوه قطع صغيرة ونرميه في المرق الي حضرناه ونزيد نقطع قرن الفلفل الاخضر الحلو وبعد ما تغلي المرق مدة دقيقتين، نضيف البطاطا تاعنا تتشرب المرق ونخليو المرق تغلي حتى تثقل ونطفيو عليها النار

ملاحظة: سمك الماربا يقولو مايتكلش سخون ويتاكل بارد وقرن الفلفل الاخضر اختياري