સૌ પ્રથમ બટેટાને છોલીને કૂકરમાં મીઠું નાખીને સહેજ કડક બાફી લેવા. જેથી બટેટામાં અંદર સુધી મીઠું ચડી જાય... મોળા ના લાગે.

હવે લસણમાં તલ, શીંગદાણા, મીઠું, મરચું અને ધાણાજીરું નાખી ને ચટણી વાટી લેવી.

હવે લોયામાં તેલ ગરમ મૂકીને પહેલા એમાં બાફેલા બટાકા તળી લો. હવે એ જ તેલમાં રાઈ જીરાનો વઘાર કરી તેમાં તૈયાર કરેલી લસણની ચટણી સાંતળી લો. હવે તેમાં તળેલા બટાકા ઉમેરી દો. જરૂર મુજબ 2-4 ચમચી પાણી ઉમેરો જેથી મસાલો બટાકા ઉપર ચડી જાય.

5 મિનિટ ઢાંકીને થવા દો. કોથમીર ભભરાવી ને સર્વ કરો.