सर्वप्रथम मसाला तयार करून घेऊ त्याकरता गॅस वर कढई ठेवून कढई गरम झाली की त्यामध्ये २ टेबलस्पून तेल टाकून तेल थोडे गरम झाले की त्यात जीरे,दालचिनीचा तुकडा, भेंडी विलायची, मिरे, लवंग व तेजपान टाकून दोन मिनिटं परतून घ्या. नंतर त्यात कांदा टाका. कांदा ब्राऊन रंगावर झाला की त्यामध्ये बारीक चिरलेला टोमॅटो,अद्रक व लसूण टाकून५-६ मिनिटे परतून घ्या.

मसाला थंड करायला ठेवा. मसाला थंड झाल्यावर मिक्सर मध्ये कोथिंबीर व भाजून घेतलेला मसाला पाणी न टाकता बारीक करून घ्या.

मसाला बारीक झाला आहे. आता गॅस वर कढई ठेवून त्यात २-३ टेबलस्पून तेल टाका तेल गरम झालं की त्यामध्ये मिक्सर मधून बारीक केलेला मसाला टाकून गॅस मंद आचेवर ठेवून मसाला परतून घ्या.

आपला मसाला छान पैकी परतून झाला आहे. मसाल्याला तेल सुटलं की समजायचं मसाला छान परतून झाला आहे.आता त्यात हळद, लाल मिरची पावडर, धने पावडर, गरम मसाला व चवीनुसार मीठ टाकून पुन्हा एकदा परतून घ्या.

मसाला परतून होत आहे तोपर्यंत बाजूच्या गॅस वर पाणी गरम करायला ठेवा. मसाल्यामध्ये गरम पाणी टाका म्हणजे भाजीला चव चांगली येते. पाणी टाकल्यानंतर एक उकळी येऊ द्या व गॅस बंद करा.