بعد نقع الحمص ليلة كاملة نديروه فقدر ضغط مع لتر ماء ونحطوا فيه ثلاث ملاعق زيت طعام حبة فلفلة حارة وشوي ملح وفلفل أسود وشوي كمون وثوم ونخليه يغلي لمدة نصف ساعة

بعد مانخلوا الحمص يغلي نروحوا ونقطعوا الطماطم قطع صغيرة ونضيف شوي قزير وثوم وملعقة هريسة وزيت زيتون حسب الرغبة وملعقة عصير ليمون وشوي ملح وفلفل اسود وكمون وملعقة طماطم معجون ونهرسهم قع مع بعض

بعد ماينضج الحمص نسكب الصلصة لي خدمناها فالحمص وهو سخون ولازم الحمص يكون فيه شوي الماء بعدها نقدموه فالصحن بإضافة الطماطم مقطعة والقزبر والبصل مقطع وزينة الليمون وبصحة ولهناء