نبدأ اولا بالغرس نقيه مليح و نضيفلو شوية زيت و ندلكو حتى يولي رطب و هشيش

نحضر العجينة نخلط السميد و الفرينة و الملح نبسس بالسمن لي ضفتلو الزيت نبسس مليح من بعد نضيف الخميرة و ماء الزهر نلمو العجينة باطراف الاصابع قيس ما تتلم منكثروش ماء الزهر

نغطي العجينة بكيس بلاستيكي و نخليها ترتاح مدة قليلة على الاكثر نصف ساعة

نقسم العجينة على 2 كويرات نفتح الاولى فوق كيس بلاستيكي و نبسطها على صينية ابعادها 30/25 سم

نفتح الحشو فوق كيس و نبسطو فوق العجينية الاولى

نفتح العجينة الثانية و نبسطها فوق الحشو نضغط عليها قليلا و نقطعها كيما اي مثل نحب انا كنت قطعتها مربعات

نزينها انا مكانش متوفر عندي النقاش خدمتها غير بلقاط

ندخلها لفرن مسخن من قبل و بعدما يطيب المقروط نخرجوه و نعسلوه رح نلاحظو في الاخير انو المقروط راح يشرب كامل العسيلة و ميلسقش في صينية ينتزع بكل سهولة

نقدموه كيما اي مثل نحبو

نتمنى انها تنال اعجابكم الوصفة و تجربوها و تنجحو فيها حبوباتي 😋😘😍