بصينية متوسطة الحجم ندهنها بمعلقة سمنة، ونفرد العجينة بالتساوي ونرصها كويس ونترك القليل من العجينة لنرشها فوق الجبنة اخر شي

بعدها نصفي الجبنة المنقوعة من الماء ونعصرها ونبدأ نفردها فوق العجينة ونرصها قليلا

بعدها نرش باقي العجين طبقة خفيفة فقط ونرفعها على النار، هنا اهم خطوة، ضروري نشغل على العين الكبيرة اللي بطرف الغاز من برا وتكون هادئة النار على الاخر

نضع الصينية على طرف العين يعني نبعد وسط الصينية عن العين ونضل نلف الصينية باستمرار ثلث ساعة

نلاحظ أن العجينة تماسكت أطرافها يعني حركة خفيفة منك على طرف الصينية، طرقة خفيفة راح تتحرك العجينة

هيك بتكون جهزت بنجيب صينية اكبر شوي من اللي استخدمتها لنقلب الكنافة عليه

بعدها نضيف القطر المحضر مسبقا بعدما نضيف عليه ملعقة سمنة بلدي