نجيب طنجرة نحط فيها قطعتي اللحم تاعي ونحط البصل والثوم نقصهم خشان من بعد نصفي المرق تاعي ونضيف الملح والتوابل والفلفل الاسود ونحط الزيت ونحطهها عالنار تتقلى مليح ومن بعد نحط الطماطم ونقلي مليح ونمرق بالماء ونخليها تطيب

نرجع بعد ذلك نحط طنجرة فيها كمية من الماء ونضيف عليه ملح وم زيت ونحطو يغلى عالنار حتى تطيبلي المقارونة تاعي انا اخترت هذا النوع من المقارون رقيق لكن تجي بنينة بزاف وبعد ماطابت نجيب كسكاس ونصفيها من الماء

الخطوة التالية نطفي عالمرق تاعي بعد ماطاب ونجيب طنحرة نحط فيها المقارونة ونحط فوقها كسكاس ونصفي المرق مباشرة عالمقارون نحي هذاك الكسكاس ونرجع الكسرونة تاعي ونخلي المقارون يتشرب كامل المرق ونقدمو فالاخير في صحن التقديم

اخيرا هذا شكل طبق تاعي جات مقارونة بنينة بزاااااف هذا مايصلح فالبرد تاع هذا اليوم والف صحة وعافية