भोपळी मिरची, टोमॅटो, कांदा बारीक चिरून घ्यावे. आले, लसूण बारीक वाटून घ्यावे. 

फ्लॉवरची छोटी छोटी फुले काढावीत व ती दहा मिनिटे मीठ घातलेल्या गरम पाण्यात बुडवून ठेवावीत. 
फ्लॉवर, मटार,बीट सर्व कुकरमध्ये वाफवून घ्यावे. 

नंतर मोठ्या कढईत तेलावर कांदा, टोमॅटो आले-लसणाची पेस्ट चांगली परतून घ्यावी. 

त्यातच उकडलेल्या भाज्या, बटाट्याच्या बारीक केलेल्या फोडी घालाव्यात. 

भाज्या कढईत चेचाव्यात किंवा हल्ली बाजारात त्यासाठी स्पेशल pav bhaji masher मिळतो तो घ्यावा. 

नंतर त्यात मीठ, मसाला घालावा.

चव पाहून भाजी तिखट हवी असल्यास लागेल त्याप्रमाणे तिखट घालावे. लागेल तसे गरम पाणी घालून भाजी सैलसर करावी. अमूल बटर पाव भाजीत वरून दोन चमचे सोडावे.

पाव भाजीचा पाव घ्यावा. सुरीने मध्ये कापावा. त्याला दोन्ही बाजूने लोणी लावावे. तव्यावर पाव लोण्याच्या बाजूने ठेवून भाजावा. गरम गरम भाजीवर थोडे लोणी घालून पाव खायला द्या.

त्या बरोबर बारीक चिरलेल्या कांद्यावर थोडे मीठ पसरून तो कांदा व लिंबाची फोड, वरून कोथिंबीर टाकावी.