#TBR
दररोजची सकाळ खूपच धावपळीची असते.एकतर डब्याला मुलांना काय द्यायचे यासाठी आदल्या रात्रीपासूनच पूर्वतयारी करावी लागते.घरचे ताजे,स्वच्छ, पोटभरीचे देण्याची प्रत्येक आईची धडपड असते.आपल्या मुलाने मधल्यासुट्टीत पोटभर खावे हीच बिचाऱ्या आयांची इच्छा असते.मुलांच्याही टिफीनसाठीच्या फर्माईशी काही कमी नसतात.त्याप्रमाणे डबा दिला की कंपनी खूश होते.जरा जरी आवडीची भाजी नसेल तर डबा परत आलाच म्हणून समजा...नाहीतर डबा exchange!!भारी हुशार असतात मुलं.काही मुलांना शाळेच्याही बरंच आधी क्लासेस वगैरेसाठी निघावं लागतं,अशावेळी वेळेनुसार भुकेचे नियोजन करुन हेल्दी असा डबा द्यावा लागतो.सकाळचा,दुपारचा,छोट्या सुट्टीतला आणि पाण्याची बाटली,इतरही कोरडा खाऊ असे ,सगळे दिले की पोट भरलेले रहाते आणि अभ्यासही सुचतो.काही वेळा मधल्या सुट्टीत खेळायला मिळावे म्हणूनही डबा तसाच पडून रहातो.चार वेळा थोडे थोडे आवडीचे दिले की मुलं खातातही.आईला स्वयंपाकात त्यासाठी विविधता आणावी लागते.एखादे फळ,फळांच्या फोडी,पौष्टिक लाडू असं जास्तीचंही द्यावं लागतं.कधीतरी एखादा पदार्थ विकतचा आवडीनुसार द्यावा लागतो.मुलांनी डबा संपवलेला पाहूनच आईचं पोट भरतं..हो ना?आजचा मऊसूत असा बटाटा पराठाही मुलांना आवडेल असाच...मोठेही खाऊ शकतील,दही,सॉस,बटरचीज या बरोबर!👍😊