પનીર ના મોટા ટુકડા કરી તેના પર આદુ લસણ ની પેસ્ટ, લીંબુ અને મીઠું નાંખી મેરીનેટ કરવુ. અને ૧૦ મિનિટ માટે બાજુમા રાખવું.
હવે મિકસી જારમા કોથમીર, ફુદીનો, કાજુ, કાંદો, લીલા મરચાં, આદુ - લસણની પેસ્ટ, ૧ ચીઝની સ્લાઈસ અને થોડુ પાણી નાખી પેસ્ટ તૈયાર કરવી.

હવે બીજા બાઉલમા ફેટેલુ દહીં અને ક્રીમ મિક્સ કરી તેમા કસૂરી મેથી, ચાટ મસાલો, જીરુ પાઉડર, ગરમ મસાલો, મરી પાઉડર અને મીઠું નાખી મિક્સ કરી લેવુ, હવે તેમા મિકસી જારમા તૈયાર કરેલી પેસ્ટ ઉમેરી મિક્સ કરી લેવુ, આ આપણુ મેરીનેટ નુ મિશ્રણ તૈયાર છે, તો હવે તેમા બાજુમા રાખેલા પનીરના ટુકડાને બોળી મેરીનેટ કરવા.

હવે નોનસ્ટીક તવા પર મેરીનેટ કરેલા પનીરને ગોલ્ડન ફ્રાય કરી લેવા,
હવે બીજા પેન મા ૨ ચમચા તેલ અને બટર ગરમ થાય એટલે તેમા તજ, લવિંગ, ઇલાયચી અને આદુ નાંખી પનીરનુ બાકીનુ વધેલુ મરીનેટ નાખી મિડિયમ આંચ પર થવા દેવુ, પાણી બળી જાય એટલે ફરી થોડુ પાણી ઉમેરી થવા દેવુ પાંચ મિનિટ પછી તેમા ફ્રાય કરેલા પનીરના ટુકડા ઉમેરી ધીમા તાપે થવા દેવુ,
અફઘાની પનીર તૈયાર છે તેને તંદૂરી રોટી અને કાંદાના લચ્છા સાથે સર્વ કરવી.