في صحن نضع البيض والحليب والخميرة والسكر والزيت نضربهم بلفوي ونبدا نضيف في الفرينة والملح حتى تتلم العجينة وتكون تتلاصق شويا ونخليها ترتاح شويا نقسمها على اثنين واحدة كبيرة واحدة صغيرة

نروح للحشو في مقلاة نضع البصل الطماطم الدجاج المرحي حبتين الجزر مبشورة ملعقتين زيت ملح قليل من راس الحانوت ونتركو يطيب ونروح نجهز لصوص طوماط حبة طماطم مرحية ملعقة فلفل عكري حار المطحون ملعقة طماطم مصبرة اثنين من فصوص الثوم مرحي ملح ونخلطها مليح

في صينية الفرن نحل بالحلال قسم العجينة الكبير وندهنها بلاصوص طوماط ونزيد نحط فيها الحشو ونحل القسم الصغير نتاع العجينة ولازم يكون رقيق على القسم السفلي وندهنها من فوق بصفار البيض ونغرس فيها حبات من الزيتو ن والفلفل مقطعين دوائر وندخلها طيب في الفرن على نار هادئة وبعد ماطيب نزينها بالفورماج او المايونيز وراح تكون شهية جداً جداً 😋😋😋😋