نخلط كل من البيض السكر جيدا يذوب السكر هنا نعطي ملاحظة لي تحب تنقص من حلاوتها تستعمل فقط نصف كأس سكر خاصة اذا كان البيسكويت المستعمل حلو بزاف ثم نضيف الزيت نزيد بشوية و نخلط يتجانس كامل في الخليط نزيد لافاني الكاوكاو و البيسكويت ثم نضيف الفرينة و الخميرة

نفرغها في صينية كبيرة الحجم مدهونة بالزيت نسويها بملعقة تجي على وجه واحد كيما موضح في الصور و ندخلها الفرن تطيب و تاخذ تحميرة من فوق

كي نخرجها من الفرن نسقيها بعسل مخفف او مربى نكونو خففناه باضافة الماء للمربى نحطوه على نار يدفا قليلا كي يبرد نفرغه فوق الكيكة تكون سخونة نخليها تتشرب نرشها من فوق بمكسرات اختيارية لي متوفرة عندك ثم نقطعها مربعات و نحطهم في ليكيسات