اولا حطيت الدقيق و البيكنج باودر في بوله لوحدهم.. و في الخلاط حطيت السكر و اللبن و البيض و الفانيليا و ملعقة الخل و الزيت و ضربتهم كويس وبعدين حطيتهم على الدقيق و ضربت بالمضرب اليدوي كويس على جنب واحد لحد ما القوام بقى لا تقيل ولا خفيف..

غسلت الكمثرى كويس و ممكن تقشروها و قطعتها شرايح و في صينية دهنتها زيت و رشيت فيها دقيق و بعدين رشيت سكر ف الصينية (هيسيح و يتكرمل و يبقى جامد) و بعدين رصيت الكمثرى فوقيه و حطيت خليط الكيكة و خبطت الصينية خبطتين عشان يتوزع كويس..

ف فرن كنت مسخناه عالى من تحت و خفيف من فوق و حطيتها ف النص منفتحش عليها غير بعد ٢٠ دقيقة كده و ممكن نشوفها من بره لو وجهها اخد لون ولا لا بعد كده نجرب بسكينة أو شوكة في نص الصينية لو طلعت ناشفة يبقى كده استوت و نسيبها تبرد حبة و بعدين نقلبها بس كده و بألف هنا ❤️