सर्वप्रथम साहित्याची तयारी करावी फ्लावरचे तुकडे करून घ्यावे, बटाटे आणि गाजर चिरून घ्यावा. त्यानंतर कांदा आणि टोमॅटो चिरून घ्यावेत. कोथिंबीर चिरून घ्यावी, मिरच्याचे तुकडे करावे. छोटा कुकर घ्यावा.

कुकरमध्ये तेल घालून गॅसवर ठेवून गरम करावे त्यानंतर त्यामध्ये मोहरी - जीरे यांची फोडणी द्यावी. आता मिरच्याचे तुकडे घालावे.

त्यानंतर कांदा घालून थोडे परतावे. आता आले- लसूण पेस्ट आणि टोमॅटो घालावा आणि थोडे परतून घ्यावे. त्यानंतर लगेचच सर्व चिरलेल्या भाज्या घालाव्या- फ्लावर, गाजर आणि बटाटा.

त्यानंतर हळद, हिंग, धणे -जीरे पावडर, लाल तिखट, गरम मसाला पावडर, मीठ चवीप्रमाणे घालावेत आणि चांगले मिक्स करून घ्यावे. कोथिंबीर घालावी. त्यानंतर अर्धी वाटी पाणी घालावे आणि कुकर चे झाकण लावून तीन शिट्ट्या द्याव्यात.

आता आपली मिक्स व्हेजिटेबल भाजी तयार झाली.