प्रथम सगळ्या ब्रेड स्लाईसेसच्या कडा काढून घेतल्या. नंतर एक एक करून सगळे स्लाईस लाटण्याने लाटून घेतल्या.

नंतर एका फ्राय पॅन मधे तेल व बटर तापवून त्यांत आल, लसूण व मिरच्या परतवून घेतले. नंतर त्यावर कॉर्न्स, फरसबी, गाजर, शिमला मिरची, कांदा घालून छान परतवून घेतले.नंतर त्यांत मिरी पूड व ऑरीगॅनो व चवीनुसार मीठ घालून सर्व जिन्नस एकजीव करून घेतले.

मिश्रण थोडे थंड झाल्यावर त्यांत किसलेले चीज घालून सर्व
एकजीव केले व त्याचे लांबट आकाराचे गोळे करून घेतले.

नंतर एका पावाच्या स्लाईस वर एक गोळा ठेवून कॉर्नफ्लोअरच्या स्लरीने त्याच्या कडा बंद करून रोल्स तयार करून घेतले.

नंतर तयार रोल स्लरीमधे बुडवून घेतले. नंतर ब्रेडक्रम्समधे घोळवून घेतले व फ्राय पॅन मधे तेल सोडून शॅलोफ्राय करून घेतले.