तांदूळ धुवून त्यात १ टीस्पून तुप, १ टीस्पून मीठ आणि १/२ टीस्पून लिंबाचा रस घालून मिक्स करून भात मोकळा शिजवून घ्यावा. कांदा चिरून घ्यावा.
लवंग मिरे दालचिनी यांची मिक्सर मधून बारीक पावडर करून घ्यावी, यामुळे भाताला छान वास येतो.

मिक्सरच्या भांड्यात वाटलेल्या पावडर मधे कोथिंबीर, आलं, लसूण, २ मिरच्या आणि कांदा घालून मिक्सरमधून बारीक वाटून घ्यावे. काजुचे तुकडे करुन घ्यावे.

कढई मधै २ टिस्पून तुप, २ टीस्पून तेल घालून फोडणीसाठी जीरे घालून मग काजूचे तुकडे घालून परतावे. मग त्यात बारीक चिरलेला कांदा घालून परतून व चिरलेल्या भाज्या घालून मिक्स करावे. मग त्यात वरील हिरवं वाटण घालून परतावे.

परतलेल्या भाजीमधे मीठ आणि शिजवलेला भात घालून परतावा. मग झाकण ठेवून वाफ काढावी. गरमागरम टेस्टी कोरिएंडर राईस तयार आहे. सोबत दही बुंदी पण द्यावी.