कोलंबी स्वच्छ धुवून त्यात मधे काळा, लाल किंवा पांढरा दोरा असतो तो काढून टाकावा. मग परत कोलंबी स्वच्छ धुवून त्यात तिखट पूड, हळद, गरम मसाला पावडर आणि मीठ घालून मिक्स करून कोलंबी थोडावेळ मॅरिनेट करण्यासाठी ठेवावी.

कांदा आणि सिमला मिरचीचे मोठे तुकडे करून घ्यावे. लसूण बारीक चिरून घ्यावा. मग कढई मधे तेल घालून त्यात कांदा आणि सिमला मिरचीचे तुकडे फ्राय करून बाजूला काढून ठेवावे.

त्याच कढईत तेल घालून मॅरिनेट केलेली कोलंबी घालून फ्राय करावी. मग त्यात बारीक चिरलेली लसूण घालून परतावे. नंतर फ्राय केलेले कांदा आणि सिमला मिरचीचे तुकडे घालून मिक्स करुन परतावे.