बटाट्याची सालं काढून त्याच्या उभ्या फोडी करून घेऊन त्या पाण्यात ठेवाव्या मग फोडी काळ्या पडत नाहीत. आंबट बटाटा भाजी मधे उभ्या फोडी छान दिसतात. मग ओलं खोबरं, धणे, मिरे आणि चिंच मिक्सरच्या भांड्यात पाणी घालून बारीक वाटून घ्यावे.

कुकर मधे तेल घालून त्यात फोडणीसाठी मोहरी, दहा बारा मेथी दाणे, हिंग घालून त्यात तिखट पूड, हळद घालून लगेच जरासं पाणी घालावं त्यामुळे रस्सा छान रंगाचा दिसतो. मग त्यात बटाट्याच्या फोडी घालून मिक्स करून ओल्या खोबऱ्याचे वाटण घालून मिक्स करावे. नंतर मीठ आणि पाणी घालून दोन शिट्या होईपर्यंत शिजवावे.

शिजल्यावर त्यात चविसाठी थोडासा गुळ घालून मिक्स करावे. मस्त आंबट गोड चविची बटाट्याची रस्सा भाजी तयार झाली.