सर्वप्रथम एक वाटी तांदळाचे पीठ घ्यावे. त्यानंतर एक वाटी पाणी एका पातेल्यामध्ये गरम करायला ठेवावे. गरम पाण्यामध्ये एक टेबलस्पून तेल घालावे आणि अर्धा टीस्पून मीठ घालावे. पाणी उकळायला लागले की लगेच तांदुळाचे पीठ घालून चांगले मिक्स करून घ्यावे. गॅस बारीक ठेवावा. भांड्यावर झाकण ठेवावे 1-2 मिनिटे.

आता झाकण काढून तांदुळाची उकड एका परातीत काढावी आणि मळून घ्यावे. त्यानंतर जीरे थोडे कुटून घ्यावे आणि ह्या तांदुळाच्या उकडी मध्ये कुटलेले जीरे आणि आलं मिरचीचा ठेचा घालावा. चवीप्रमाणे मीठ घालावे आणि चांगले मळून घ्यावे. करताना थोडेसे हाताला तेल लावून मळून घ्यावे.

आता छोटे छोटे गोळे करावे. त्यानंतर तळहातावर घेऊन हळूहळू थापून गोल आकार द्यावा. पातळ थापावे. आता एका बाजूला गॅसवर मोदक पात्र मध्ये पाणी ठेवून गरम करावे. पाणी गरम झाल्यावर एका थाळीमध्ये रुमाल घालून हे थापलेले छोटे छोटे गोल आकाराचे गोळे त्यामध्ये ठेवावे. आता त्यावर झाकण ठेवून 15-20 मिनिटं शिजू द्यावे.

आता पहावे की शिजून आले आहेत का. आता आपले नीवग्र्या तयार झाल्या आहे. गरम गरम सर्व्ह करू शकता चटणी बरोबर किंवा लोणच्या बरोबर आपल्या आवडीनुसार खाऊ शकता.