तूरडाळ पाणी घालून तीन शिट्या काढून शिजवून घ्यावी मग चांगली घोटावी. लसूण सोलून ठेचून घ्यावा.

डाळीला तडका म्हणजे फोडणी देण्यासाठी तेलावर मोहरी जीरे घालून तडतडल्यावर त्यात बारीक चिरलेला लसूण आणि कांदा घालून परतावा. मग त्यात तिखट पूड, हळद, हिंग, धणे जीरे पावडर, गरम मसाला पावडर आणि मीठ घालून चांगले परतावे.

मग त्यात बारीक चिरलेला टोमॅटो घालून परतल्यानंतर डाळीमधे घालून मिक्स करून ढवळावे आणि थोडा वेळ स्लो गॅस वर डाळीला उकळी आल्यावर त्यात बारीक चिरलेली कोथिंबीर घालून गरमागरम तडका डाळ सर्व्ह करावी.