प्रथम गॅसवर पातेल्यामध्ये पाणी गरम करून त्यात गूळ घातला व गुळ विरघळल्यावर गॅस बंद केला. गुळाचा पाक करायचा नाही तर त्याची गुळवणी तयार करुन ती गाळून घ्यावी. एका भांडयात बाजरीचे पीठ, कणिक, बडीशोप सुंठीची पूड, वेलची पूड, थोडंसं मीठ सर्व मिक्स करून त्यात तुपाचे मोहन घालावे व चांगले एकजीव करून मिक्स करुन घ्यावे. आपण पुऱ्यांसाठी भिजवतो तसे पीठ भिजवून व मळून घ्या.

गॅसवर एका कढईत तळणीसाठी तेल तापत ठेवा. तेल चांगले तापले की मुरलेल्या पिठाच्या पोळ्या लाटून त्यावर खसखस लावून घ्यावी. आपण नेहमी शंकरपाळी कापतो तश्या कापण्या कापा.

गरम तेलात सोडा आणि हलक्याशा ब्राऊन रंगावर तळून पेपर नॅप्किनवर काढा म्हणजे अतिरिक्त तेल शोषले जाईल.

बाजरीच्या खुसखुशीत कापण्या तयार...