خبز البطبوط للسندويتشات
بطبوط 10 دقائق من قناة مطبخ أم أنس هايل خفيف و ميتطلبش وقت بزاف جربوه و ان شاء الله يعجبكم 🥰
خبز البطبوط للسندويتشات
بطبوط 10 دقائق من قناة مطبخ أم أنس هايل خفيف و ميتطلبش وقت بزاف جربوه و ان شاء الله يعجبكم 🥰
إفتح في تطبيق كوكبادالخطوات
- 1
في وعاء، نحطوا الحليب + الماء + السكر + خميرة الخبز و نخلطوهم مليح+ السميد + كأس فرينة و الملح و نخلطوهم بالضراب اليدوي. نغطيهم بكيس بلاستيكي و نحطوا فوقهم غطاء لمدة 10 دقائق و من بعد نرجعوا للخليط تاعنا.
- 2
بعد ما اختمر معانا الخليط نضيفوا الفرينة بالتدريج حتى نتحصلوا على عجينة تلصق ف اليدين، نغطوها بالكيس البلاستيكي، نزيدوا فوقو قماش و غطاء حتى يختمر.
- 3
بعد الاختمار، خرجوا الهواء من العجينة، و قسموها على كريات متساويين، رشوا سميد فوق سطح العمل و فوق العجينة و حلوا الكريات تاعكم على شكل دائري بسمك 0.5 سم، حطوهم فوق قماش مرشوش بسميد رقيق و خلوهم يختامروا (اذا السخانة 10 دقايق اذا البرد كثر)
- 4
بعد الاختمار نطيبوهم على طاجين (حديد ولا طين) مسخن مسبقا على نار هادية و خلوهم يبردوا و افتحوهم.
تقدروا تحطوهم مع المرق ولا اي حاجة موجدينها للعشاء ولا الفطور ولا تقدروا تحشوهم كيما تحبوا.
- 5
و نفس الوصفة تقدروا تعملوها مطلوع (خبزة كبيرة)
- 6
و حتى اذا مكانش معندكمش الوقت تدخلوها الفور تطيبوها عادي (طان باقي 10 دقايق للفطور قلت ندخلها الفور و خلاه هههه)
- 7
ان شاء الله تجربوا الوصفة و تعجبكم
و بالصحة و الهنا ان شاء الله
الكوكسناب
وصفات مشابهة
وصفات ننصحك بمشاهدتها
التعليقات (6)