#Weekly_Cooksnap_Recipe
#बटाटा_रेसिपी .आज जगात सर्वत्रच बटाटा पिकवला जात असला, तरी त्याचं मूळ स्थान हे दक्षिण अमेरिकेतील पेरुव्हियन आणि बोलीव्हियन हा परिसर आहे. या परिसरात इसवी सनाच्या ५ हजार वर्षांपूर्वीपासून बटाट्याचा वापर केला जायचा. बटाट्याचा वापर दक्षिण अमेरिकेत अनेक शतकं होत होता. त्यानंतर काही काळाने उत्तर अमेरिकतेही त्याचा वापर सुरू झाला.कोलंबसने अमेरिकचा शोध लावल्यावर १५३२ मध्ये स्पॅनिश सैन्याला बटाट्याचं पीक प्रथम आढळलं. स्पॅनिश लोकांनीच जमिनीखाली उगवणाऱ्या या कंदाला पोटॅटो हे नाव दिलं.१७ व्या शतकात पोर्तुगीजांनी भारतात सर्वप्रथम बटाटा आणला. आज सर्रास वापरलं जाणारं बटाटा हे नावही पोर्तुगीजांनीच दिलेलं आहे. तर असा हा परदेशी असणाराबटाटा.आपल्या मातीत,आपल्या खाद्यसंस्कृतीमध्ये बटाटा असा काही मिळून मिसळून गेला आहे की तो आपलाच आहे, देशी आहे असं वाटतं..जिथे कमी तिथे आम्ही या न्यायाने बटाटा जिथे तिथे हजर असतो आणि गृहिणींना साथ देत असतो..सदैव मदतीला तयार..कुठल्याही पदार्थात असा काही मिसळून जातो आणि त्या पदार्थाची लज्जत वाढवतो..ते ही अगदी गपगुमान ..न बोलता..कुठलाही नखरा नाही.. एखादा पदार्थ खारट झाला असेल तर गृहिणी त्यात बटाट्याच्या दोन चार फोडी टाकते..आणि जादूची कांडी फिरवल्यागत पदार्थातला खारटपणा गायब होतो..तर असा हा माझा जिवलग बटाटा.माणसानेदेखील भाज्यांकडून बटाट्याकडून हा मदतीचा ,परोपकाराचा वसा नक्की गिरवला पाहिजे..पटतंय ना.माझी मैत्रिण @charu81020 हिची फ्लॉवर बटाटा फ्राय भाजी ही रेसिपी कांदा लसूण न घालता cooksnap केली आहे. चारु, खूप मस्त झाली भाजी..Thank you so much dear for wonderful recipe.😊🌹❤️