एका बाऊलमध्ये गव्हाचे पीठ घेणे. त्यात सर्व मसाले घालून मिक्स करून घेणे. ओवा व कसुरी मेथी हातावर कुस्करून घालणे. म्हणजे त्याचा स्वाद छान लागतो.

थोडे-थोडे पाणी घालून चपातीला कणिक मळतो, त्यापेक्षा थोडीशी घट्ट कणिक मळून घेणे. गॅसवर कढईत तेल घालून, तापत ठेवणे.

पीठ एकदा व्यवस्थित मळून घेणे व त्याचे तीन उंडे तयार करून घेणे. किचन मधील कात्री घेऊन, हव्या त्या आकाराचे छोटे-छोटे तुकडे कात्रीने करून घेणे. तेल तापल्यानंतर गॅस मध्यम आचेवर ठेवावा. कढईत जेवढे बसतील, तेवढे कुरकुरे घालून घेणे.

सतत हलवत राहणे दोन्ही बाजूंनी छान लाल झाली ते काढून घ्यावे अशा प्रकारे सर्व कुरकुरीत तळून घेणे. *गरमागरम चहा सोबत हे कुरकुरे खूप छान लागतात. मैदाही घेऊ शकता. पण मी गव्हाच्या पिठाचे केले आहे.