चिकन स्वच्छ धुवून त्याला तिखट पूड, हळद, मालवणी मसाला, मीठ आणि आलं लसूण पेस्ट लावून मॅरिनेट करण्यासाठी ठेवावे.

थोड्या तेलावर खडे मसाले आणि उभा चिरलेला कांदा, थोडी लसूण घालून चांगले परतून घ्यावे. मिश्रण गार झाल्यावर मिक्सरमधून बारीक वाटून घ्यावे.

कुकर मधे तेल घालून त्यात थोडा बारीक चिरलेला कांदा घालून परतून त्यात मॅरिनेट केलेलं चिकन घालून जरा परतावे मग त्यात खोबर्याचे वाटण घालून पुन्हा जरा परतून त्यात चवीनुसार मीठ आणि ग्रेव्ही साठी हवे आहे तेवढे पाणी घालून मिक्स करून कुकरचे झाकण लावून पाच शिट्या काढून चिकन शिजवून घ्यावे.

जिरा मसाला राईस बनवण्यासाठी तांदूळ धुवून घ्यावेत. फोडणीसाठी लहान कढईमधे दोन टीस्पून तूप घालून त्यात जिरे, मिरे, मसाला वेलची, लवंग घालून ती फोडणी तांदळात घालून मिक्स करावी आणि त्यात चवीनुसार मीठ व लिंबाचा रस घालावा.

कुकरची एक शिटी काढून जिरा मसाला राईस शिजवून घ्यावा. एकदम झटपट हा राईस बनतो आणि चविला पण खूप मस्त लागतो.