સૌપ્રથમ બટાકા અને વટાણા બંને કુકરમાં બાફવા મુકવા, ચાર વિશાલ વગાડવી. પછી તેને કુકરમાંથી કાઢી ચારણીમાં કાઢી લેવા. બટેટાની છાલ ઉતારીને ક્રશ કરી લો. પછી વટાણા ને થોડા ક્રશ કરી લો. બંને ક્રશ થઈ જાય ત્યાર બાદ તેને વઘારવાની તૈયારી કરો. એક તપેલામાં ત્રણ ચમચા તેલ મૂકો. તેલ ગરમ થાય ત્યારે ચપટી હિંગ નાખો. પછી તેમાં સૂકા લાલ મરચા તમાલપત્ર મીઠો લીમડો નાખીને 1 ચમચીઆદુ મરચાની પેસ્ટ નાખવી પછી વટાણા, બટાકા, ક્રસ કરેલા નાખવા. પછી તેમાં મીઠું નાખો 1/2 ચમચી હળદર નાખો. 1 ચમચીમરી પાઉડર નાખો. 1/2 ચમચી ખાંડ નાખો.

1/2 ચમચી લાલ મરચું પાઉડર,બધુ બરાબર મિક્સ કરીને બે ગ્લાસ પાણી નાખો. પાણી નાખીને દસ મિનિટ ઉકાળો. સરસ ઉકડી, જાય ત્યારબાદ તેમાં ઉપર 1 ચમચીગરમ મસાલો. પછી તેમાં એક લીંબુ નીચોવાનું પછી થોડા ઉપર ધાણાભાજી નાખવા. તો રગડો તૈયાર. પછી પેટીસ બનાવવાની તૈયારી કરો. 500 ગ્રામ બટાકા બાફી લેવાના. બટાકા બફાઈ જાય ત્યારબાદ તેને છાલ કાઢીને ક્રશ કરી લેવાના. સરસ રીતે ક્રશ કરી લેવાના. પછી તેમાં 2 ચમચી તપકીર નાખવાની. 1 ચમચીઆદુ મરચાની પેસ્ટ નાખવાની 1/4 ચમચી હળદર. જરૂર મુજબ મીઠું 1 ચમચીમરી પાઉડર. 1 ચમચીગરમ મસાલો.

1 ચમચીમિસરી નો ભૂકો. નાખવાનો. 1/2વાટકી ધાણાભાજી નાખવાના. પછી બધું સરસ રીતે મિક્સ કરી લો. મિક્સ થઈ જાય બાદ ગોળ પેટીસ, વાળી લેવી. પછી તેને ગેસ ઉપર લોઢી મૂકી. લોઢી ઉપર તેલ મૂકી. ને પેટીસ ને શેકી લેવી. પેટીસ બદામી રંગની થાય તેવી શેકી લેવાની,બધી પેટીસ, શેકાઈ જાય ત્યારબાદ તેને પ્લેટમાં કાઢી લેવી. તો તૈયાર છે પેટીસ.

પછી પેટીસ એક બાઉલમાં. ચાર પીસ કરી લેવાના. પછી તેમાં ઉપર ગરમ રગડો નાખવાનો. પછી તેની ઉપર ગ્રીન ચટણી રેડ ચટણી, મીઠી ચટણી, ઝીણી, સેવ અને ઝીણી ડુંગળી નાખવાની. થોડા ઉપર ધાણાભાજી છાંટવાના. તો તૈયાર છે આપણી રગડા પેટીસ. રગડા પેટીસ ગરમા ગરમ બહુ સરસ લાગે છે.