पालक स्वच्छ निवडून धुवून त्याला ब्न्लाच करणे. त्यानंतर गरम पाण्यातून पालक काढून त्यावर गार पाणी टाकावे. त्यामुळे पालकाचा कडूपणा निघून जातो.

लसूण हिरवी मिरचीची बारीक पेस्ट तयार करून घ्यावी तसेच पालकाची पेस्ट तयार करून घ्यावी. मोहरी जिरे हिंग यांची गरम तेलात फोडणी करून त्यात मिरची पावडर आणि हळद टाकावे.

तसेच त्यामध्ये लसूण-हिरवी मिरचीची पेस्ट, शेंगदाण्याचा कूट आणि बेसन पीठ टाकावे.चिमटभर मीठ टाकून ते सर्व नीट मिक्स करून एक मिनिटभर परतून घ्यावे. पालकाची पेस्ट मिक्स करून त्यामध्ये तुम्हाला भाजी कितपत घट्ट किंवा पातळ हवी तितके त्यामध्ये पाणी टाकावे.

वरून चवीनुसार मीठ टाकून भाजी चार ते पाच मिनिटं शिजू द्यावी. आपली पालकाची गरगट्टी भाजी तयार आहे. गरमागरम पालकाची गरगट्टी भाजी चपाती भाकरी बरोबर छान लागते.