प्रथम मेथीची पालेभाजीची पाने खुडून घेतली. आणि स्वच्छ पाण्याने 2 ते 3 वेळा धुऊन घेतली. आणि बारीक चिरून घेतली.

मग एका कढईत 2 चमचे तेल घालून ते चांगले गरम झाल्यावर त्यात 1 छोटा चमचा राई घालून ती चांगली तडतडल्यावर नंतर त्यात सोलून, आणि ठेचून घेतलेल्या लसूण पाकळ्या, 3-4 हिरव्या मिरच्या बारीक चिरून, 1 मोठा कांदा बारीक चिरून घातला.

नंतर कांदा चांगला परतून घेतला, मग त्यात 1 छोटा चमचा हळद घालून ते सर्व साहित्य चांगले परतून घेतले. आणि त्यात बारीक चिरून घेतलेली मेथीची भाजी घालून ती चांगली परतून घेतली. आणि मंद गॅसवर 5 ते 7 मिनिटे शिजवून घेतली.

आणि मग त्यात 2 चमचे चणा डाळीचे पीठ घालून, मग त्यात चवीनुसार मीठ घालून,सर्व्ह करण्यासाठी तयार आहे आपली गरमा गरम पीठ पेरून तयार केलेली मेथीची भाजी. ही मेथीची भाजी चवीला अतिशय सुंदर लागते.

ही पीठ पेरून तयार केलेली मेथीची भाजी चपाती बरोबर, किंवा भाकरी बरोबर खूप छान लागते. तसेच तुरडाळीची आमटी, मटकीची उसळ आणि भात असा आज रात्रीच्या जेवणाचा बेत आखला आहे. हा बेत एकदम झकास झाला आहे. त्याचा घरातील सर्वांनी खूप छान आस्वाद घेतला.