بسم الله ونبدا ونجيب صحن نحط فيها لبيض والفانيلا والسكر ونبدا نحفق بالخلاط حتى يبياض الخليط ونحضر المول العجيب الجديد شكلو هايل ندهنو بالزبدة

نبدا باضافة الزيت ونواصل الخلط ثم الحليب ونبقا نخلط ثم نبدا نضيف م ك شكولا الطلي وم ك كاكاو بني ونخلط مليح

ندهن المول بالزبدة ونرشو بالكاكاو ثم نرجع للخليط تاعي ونبدا نضيف فالفرينة وخميرة الحلوى ونخلط مليح ثم نحط كمية من فارميسال شكولا اختياري

نفرغ الخليط فالمول ونسويه مليح ثم نحطو في سينية الفرن ونشعلو الفرن حتى يسخن نحط الكيك تاعي تطيب

من جهة اخرى نحضر الكريمة تاعي نجيب كسرونة ونحط فيها نصف كاس كاكاو بني ونصف كاس سكر ونضيف أولا نصف كاس حليب ونخلط مليح ثم نضيف 2م ك نشاء ونفرغ باقي كاس الحليب ونخلط بارد في بارد ونحطها فوق النار حتى تثقال نطفي ونضيفلها م ك شكولا الطلي وم ك زبدة ونخلطها مليح ثم نخرج المول تاع الكيك بعد ماطاب

بعد ذلك نقلب المول مباشرة في صحن التقديم ونفرغ عليه الكريمة فالوسط ونسويها مليح ثم نطيب صوص الشكولا نجيب نصف علبة شكولا ونفرغ عليه حليب ونحطها عالنار تذوب ثم نفرغها مباشرة عالكريمة ونسويها و نجيب حبيبات شكولا ملونة نزين بيها الكيك تاعي

فالاخير زينتها بشرائح من البرتقال وحبيبات الشكولا جابت بزاااااف هايلة