نوجّد كل المكونات ونبدأ باسم الله، في كاسرون نحط الفراولة المقطعة (كنت غسلتها ونقيتها ونشفتها) ضفت عليها السكر وطرونش الليمون نحرك ونخليها شوية باش تطلق الماء ديالها.

كي نحس أنّ السكر ذاب نسبيا، نحط الكاسرونة فوق النار متوسطة إلى هادئة، مرة على مرة نحرك وكي تبدا دير ديك الكشكوشة من الفوق (الرغوة) لازم نحيوها (باش ما يحماضش)

نخليها فوق النار حتى ينقص شوية هذاك الماء اللي طلقاتو الفراولة وتعقد.

نحّي الكاسرونة من فوق النار وننزع طرونش الليمون ونحاول نمعسها بأداة الخاصة بهرس البطاطا.

ثم نضيف نصف ملعقة صغيرة عطر الفراولة (اختياري)، إضافة عطر الفراولة يعزز الذوق أما اللون فالفراولة اللي استعملتها كانت حمراء وحلوة، كما يمكن الإستغناء عنه تماما، نحرك مليح حتى تنسجم كل المكونات. نخليه شوية يهدا ونفرغو في إناء نخليه يبرد مليح عاد نستعملوه.

يجي خاثر وبزاف بزاف بنين 🍓😋🍓