સૌથી પહેલા શીંગદાણા, તલ અને કોપરાનું છીણને મીક્ષરમાં અધકચરા ક્રશ કરી લેવા. ચણાનો લોટ સહેજ સાંતળી લેવો. એક મોટી ડીશમાં ચણાનો લોટ લઈ તેમાં આ મીશ્રણ મીક્ષ કરી દેવું. હવે તેમાં હળદર, લાલ મરચું, ધાણાજીરૂ, ગરમ મસાલો,હિંગ ઉમેરવા.

મીઠું ઉમેરી બધું સરસ રીતે મીક્ષ કરી લેવું. હવે ભીંડાને ધોઈ, કપડાંથી લુછી, ચપ્પાથી ડીંટા કાપી લેવા. હવે ચપ્પાથી ભીંડા પર ઊભા ચીરા પાડવા.

ચીરા પાડેલ ભાગને સહેજ પહોળો કરી તેમાં તૈયાર કરેલ મસાલો ભરી-ભરી બાજુમાં મુક્તા જવું.

ગેસ ચાલુ કરી, મોટી તાવડીમાં તેલ લઈ, ગરમ થાય એટલે તેમાં બધા ભરેલા ભીંડા નાંખી ધીરે ધીરે હલાવવા. અને મીડીયમ આંચ પર ચઢવા દેવા. (ઢાંકવું નહિ) વચ્ચે-વચ્ચે સહેજ હલાવતા રહેવું. બરાબર ચઢે એટલે તેમાં વધારાનું લોટનું મિશ્રણ ભભરાવીને હલાવી લેવું. ત્યારબાદ થોડું ચઢવા દેવું.