زربيان لذييييييذ غداء يوم الجمعة 🫶🏻
إفتح في تطبيق كوكبادالخطوات
- 1
نحط الزيت بالقدر مع البصل حتى يشقر ونرفع ربع الكمية للتزيين والباقي نخليه حتى يغمق قريب للسواد ونصفيه ونخلي الزيت بالقدر عشان نقلي فيه البطاطس والدجاج
- 2
نحط البطاطس بالزيت ونخليه لين يتحمر شوي بس بدون مايستوي ونحطه على جنب
- 3
وفباقي الزيت نغسل الدجاج ونضيفه عشان نقليه لين ياخذ لون بس ويتحمر شوي ثم نشيل نص كمية الزيت ونخليها على جنب بكوب.
- 4
بخلاط احط الزبادي والثوم والبهارات والملح والبصل ونص كاس ماء ونخلطهم ونحطها على الدجاج ونزيد نص كوب ماء (نحطه الماء بالخلاط بعد مانصبه على الدجاج عشان ننزل الباقي من الخلطه كله)
- 5
بعد ما نحط عليه الخلطة نضيف حبتين فلفل ونغطي القدر ٢٥ دقيقة الى نص ساعة بعدها نحط البطاطس ١٥ دقيقة ياخذ النكهات
- 6
فهاذا الوقت نسوي الرز:
نغلي غلاية ماءونغسل الرز زين
ثم نأخذ باقي الزيت الي احتفظنا فيه ونحطه فقدر ونحمس به ٤ حبات هيل و٥ قرنفل و٢ ورق غار لين تطلع ريحتهم ثم نصب عليه الماء المغلية ونملحها بملح خشن ونخليه لين يغلي ثم نحط عليه الرز ينسلق من ٥ الى سبع دقائق ونصفيه من الماء، ونتخلص من باقي الماء لاننا بنخليه يطبخ مع خلطه الدجاج
- 7
نحط فوق خلطه الدجاج كزبرة ونخلطها ونصفي الرز من الماء بعد ٧ دقائق ونحطه فوق الدجاج عشان يكمل طبخ ونصب فوقه الزعفران المنقوع على شكل خطوط
- 8
ونحط شوي من البصل الي كرملناه شوي فوق الرز وشوي من الكزبرة الخضرا ونحط قصدير ونكتمه ونقفل عليه من ٢٠ الى ٣٠ دقيقة
- 9
في هذا الوقت تقدرون تحمسون صنوبر للزينة او مكسرات او تسوون طحينه للرز / سلظة زبادي
- 10
بعد ٣٠ دقيقة نأخذ قصدير نحطه بنص الرز وعليه جمرة ونصب على الجمرة من باقي الزيت او ملعقه سمنة ونرجع نكتم القدر عشر دقائق وبالعافية
وصفات مشابهة
وصفات ننصحك بمشاهدتها
التعليقات