સૌપ્રથમ જુવારના લોટને એક મોટા બાઉલમાં ચાળી લેવો ત્યાર બાદ તેમાં જરૂર મુજબ નિમક નાખી મિક્સ કરી લેવું.

હવે તેમાં જરૂર મુજબ પાણી નાખતા જઈ રોટલા માટેનો લોટ તૈયાર કરી લેવો. લોટ ને હથેળી ની મદદ થી સરસ રીતે મસળી લેવો.

તેમાંથી એક મોટો લવો લઈ રોટલાને હાથેથી ઘડી લેવો. પાટલી ઉપર થાબડી ને પણ બનાવી શકાય.
નોંધ : ક્યારેક જુવાર ના રોટલા ઘડતી વખતે કીનારી ફાટતી જાય એવુ લાગે તો તેમા થોડો ઘઉ નો લોટ ઉમેરવો ત્યારબાદ રોટલા બનાવવા. એમ કરવાથી રોટલા ની કિનારી ફાટશે નહી.

ગેસ ઉપર નોનસ્ટીક પેન ગરમ કરવા મૂકવું. પેન ગરમ થાય એટલે હળવા હાથે તેમાં રોટલો નાખી દેવો. થોડી વાર પછી રોટલાની સાઈડ ચેન્જ કરવી.

બંને બાજુ સરસ રીતે ચડી જાય એટલે રોટલો તૈયાર છે. નોનસ્ટિક પેનમાં રોટલા સરસ ફૂલી અને દડા જેવા થાય છે. પ્લેટમાં કાઢી ઉપર ઘી લગાવી દેવું એ રીતે બધા જ રોટલા તૈયાર કરી લેવા.

સર્વિંગ પ્લેટમાં કાઢી ગરમ ગરમ જુવારના રોટલા સર્વ કરવા.
તો તૈયાર છે
જુવારના રોટલા

આજે લંચમા જુવારના રોટલા રીંગણનો ઓળો બનાવ્યા હતા. સાથે ગોળ ઘી અને મસાલા છાશ સર્વ કરી છે.