بسم الله العسيلة هي الأولى في طنجرة نوضع كمية سكر وكمية الماء و شرائح ليمون او شب ونخلط الكل فوق نار متوسطة وأول ما تبدأ تغلي نحسب 15د الى 20د ونطفي النار ونضيف لها فنجال عسل جاهز او عسل حر من الأفضل ونحرك ونتركها تبرد تماما.

الحشو: في إناء كبير نضع كاوكاو (فول سوداني) محمص شوي و مرحي ونواة كوكو (جوز الهند) وسكر نخلط الكل جيداً ونعاودو نرحوهم بالاشوار مع بعض ثم نزيد عليهم قشور ليمون وملح وعطر لوز والافاني ونعجنوها بالبيض حتى تصير عجينه لينة تتلصق شوية ونخبشها بالاصابع باش ندخلها الهواء ونتركها ترتاح ونبدأ نوزن من 35غ إلى 40غ ونغطيهم

العجينة: في إناء كبير نوضع الفرينة الطحين والافاني مع كمية زبدة ونبسسهم وصفار والملح وملون ونعجن بالماء الزهر حتى تصير عجينة طرية ونتركها ترتاح من نصف ساعة الى ليلة كاملة ونحلها بالاستعانة بالفرينة في آلة التوريق في الأرقام التالية:1 ثم 3 ثم 6 ونتوقف يعني آلة توريق عندي فيها حتى لرقم 9 انا نحل في رقم 6 أو 7 ثم نقطعها دوائر بالقطاعة رقم 8 ونغطيهم ونبدأ نشكل نفرش دوائر العجين في مول الخاصين بدزيريات وننزع الزائد من العجين ونوضع كرة الحشو ونطبع بالطابع مثل الصورة او بغطاء قاروة الماء نطبع 6 اقواس

ونزين بحبة لوز ونضع حبات الحلوة في الفرن مسخن من قبل على درجة حرارة 150 مدة 25 دقيقة حتى يتحمر من تحت و نحمروه من فوق وهما سخونين ونوضعهم في العسيلة باردة مدة نصف ساعة حتى يتشربو لم ويبردو نقدموهم بصحةوالهناء

ملاحظة:
الحشو إذا كان لوز أبيض مرحي لا أضيف كمية نواة كوكو (جوز الهند) المذكورة ولا عطر اللوز الحلو هذه إضافات للكوكاو فقط.
العسيلة نقدرو نعسلو بيها ايضا حلوة المشكلة