فطيرة عائلية بحشو بزاااف بنين
إفتح في تطبيق كوكبادالخطوات
- 1
نبدا بسم الله ونجيب ريسبسيون نحط فيها كاس حليب دافئ ونضيف عليه علبة ياؤورت طبيعي وم ك سكر وم ك خميرة الخبز ونخلطهم مليح ونغطي عليهم مدة 10د ثم نرجع نقطع البصل والفلفل الى قطع صغيرة
- 2
نجيب مقلاة نحط فيها م ك زيت ونحط البصل ونقليه مليح ونرجع لرسيبييون بعد مااختمرت ونحط عليها الفرينة والملح ونبدا نخلط ونضيف الفرينة والخميرة الكيميائية
- 3
نخلط ونلم العجينة وفالاخير نضيف الزيت وندخلو مليح حتى نتحصل على عجينة ملساء
- 4
بعد ذلك نحضر الحشو تاعي نحط عالبصل بعد ماذبل مليح الفلفل الحلو وشوي فلفل حار اختياري ونحط حبة جزر مبشورة وحبة جريوات مبشورة ونقليهم مليح ثم نحط كمية من لحم دجاج مرحي ونخلي الكل يذبل مليح ثم نضيف عليهم حبة طماطم مرحية ونحط فلفل اسود وملح وعكري حلو ونخلي الكل يطيب مليح حتى ينشف الحشو تماما
- 5
نرجع العجين تاعي بعد مااختمر ونعجنو حوالي 10د ثم نقسمو على قسمين ونطفي عالحشو ونخليه يبرد تماما
- 6
نرش طاولة العمل فالفرينة ونحب العجينة الاولى رقيقة ونجيب سينة فرن ندهنها بالزيت ونحط عليها العجينة ونسويها مليح فالسينية ثم نفرغ الحشو تاعي بعد مابرد ونحط عليه كمية مليحة من الجبن الطري ونرجع نحل العجينة الثانية بنفس الطريقة ونحطها فوق الحشو ونغلقها مليح عالجوانب
- 7
نقسم الفطيرة باليد وندهنها بالحليب ونحط جبن مبشور كيما فالصورة وندخلها الفرن تطيب من تحت ثم نشعللها من فوق تتحمر مليح ونخرجها من الفرن
- 8
فالاخير نقطعها الى مربعات ونقدمها جات بزاااف خفيفة يمكن نقدمها مع حساء خضار
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات