تسلق الفاصوليا الكمية اللي تبغونها إلى أن تنضج ثم نقطع بصل صغيره قطع صغار ونحمس البصل لين يتحمر ونحط الفاصوليا ونضع ربع مكعب ماجي ونص ملعقه صغيره ملح أجي ورشة بهارات مشكله ورشة بهارات الجاوي ونص ملعقه كمون مطحون وربع ملعقه كزبره مطحونه وفصين ثوم مهروس ونقلبها لين تتسبك ونطفي النار ثم تترك ع جنب إلى وقت التقديم

تسلق المكرونة ثم نجهز كشنتها نقطع بصله صغيره قطع صغار ونحمسه ونضع طماطم مقطع مكعبات ونقلبها لين تذوب ونضع نص مكعب ماجي وملعقه صغيره ملح أجي وملعقه صغيره بهارات مشكله وملعقه صغيره بهارات الجاوي ونص ملعقه كمون مطحون وربع ملعقه كزبره مطحونه وثلاثة فصوص وملعقتين معجون طماطم وثوم مهروس وتتسبك لين تصير صلصة ثم تصفى المكرونة من موية السلق وتوضع ع الصلصة ونقلبها لين تأخذ الطعم واللون ونطفي النار وتترك ع جنب إلى وقت التقديم

نقطع الكوسا قسمين ثم نقطع قطع طوليه رفيعة جدا ويقطع الفلفل الرومي قطع رفيعة نفس الطريقة ونقطع البصل شرايح رفيعة ونكشن البصل ونحمسه ونحط الكوسه عليه والفلفل الرومي ونقلبها مع البصل ونضيف معلقه صغيره كلا من البهارات المشكلة وبهارات الجاوي وملح الاجي وملح العادي نص ملعقه كمون مطحون وربع ملعقه كزبره مطحونه ونقلب لين تستوي ونحط ربع ماجي ونجيب قرن فلفل حار مع فصين ثوم نهرسها سوا ونضيفها ع الخضار ونلقب لين تتسبك ونطفي النار وتترك ع جنب إلى وقت التقديم

نقطع البطاطس مكعبات ونقليها بزيت وتترك ع جنب إلى وقت التقديم

نقطع الدجاج قطع مكعبات ونحمرها بشوية زيت الزيتون ونضيف لها بصل مقطع شرايح والفلفل الرومي مقطع طولي رفيع وبقدونس إذا ودك واضيفي ملعقه زبادي روب أو فنجان شاي لبن واضيفي ملعقه صغيره ملح وملعقه صغيره بهارات مشكله وملعقه صغيره بهارات الجاوي وملعقه صغيره ملح أجي ونص مكعب ماجي ونص ملعقه كمون مطحون وربع ملعقه كزبره مطحونه وقرن فلفل حار مهروس مع فصين ثوم مهروس وقلبيه وذوقيه إذا تحتاج ملح الطعام أو ماتحتاج

نسوي الرز الأبيض طبعا مو ضروري يكون منقوع من قبل نغلي مويا ونضيف له ملح طعام حسب الكمية مع ملعقه ملح أجي فقط ونتركه لين يستوي