نسلق المكرونة في ماء ساخن و ملح

نحمر البصلة لحد ما لونها يبقى ذهبي و ننزل باللحمة و نقلب لحد ما لونها يتغير

ننزل بمعلقتين الصلصة و ربع كوب ماء و ملح و فلفل اسود و باقي التوابل و نوطي النار

ننزل بالدقيق على اللبن البارد و ملح و نقلب كويس و نرفعه على النار مع الزبدة السخنة لحد ما يتقل معانا

ناخد معلقتين كبار بشاميل نقلبهم بالمكرونة مع نص كمية اللحمة لما تستوي

ندهن الصينية بالزبدة و نرص نص كمية المكرونة

نرص باقي اللحمة فوق المكرونة و نرص باقي المكرونة

نضرب البيض مع ملح و فلفل و ننزل بيه علي البشاميل لما يبرد و نرصه على المكرونة

ندخلها الفرن لحد ما وشها يحمر و البشاميل يستوي

بألف هنا و شفا

دي أكله دسمة جداااا معاها طبق السلطة الخضرا و عصير الليمون