نبدأ بسم الله ونجيب طنجرة نحط فيها قطع الدجاج ونضيف عليه البصل والثوم مرحيين ونحط الملح والتوابل المذكورة ونحطها على النار ونضيف ما ك زيت ونخليها تتقلى مليح ثم نحط الجزر وملعقة كبيرة طماطم مصبرة ونقلي

بعد ماقليت مليح نمرق بالماء ونغلق الطنجرة ونخلي المرق يطيب ثم نجيب قصعة نحط فيها رطل شخشوخة تتباع جاهزة نضيف عليه ما ص زيت

نخلط الزيت مليح فالشخشوخة ثم نجيب قدرة بالكسكاس ونحط بالقدر كمية من الماء ونحط الشخشوخة فالكسكاس تفور ثم نرجع نفرغها فالقصعة ونحط عليها كمية من الماء

نخليها حتى تتشرب كمية الماء ونرجع نحطها فالكسكاس تفور مرة أخرى ونبقا نعاود في نفس الطريقة حتى نتحصل على شخشوخة طرية نضيفلها ما ك ونخليها على جنب

فالاخير نفرغ كمية الشخشوخة في كسرونة ونضيف عليها كمية المرق ونجمرها على النار مليح ثم نقدمها في صحن التقديم مع قطع الدجاج لي كنت حمرتهم في المقلاة