هي فيها سر صغير مخلي كل الناس هتتجنن من الكوفي بتاعي و هي كالتالي

هتجيبي شفاطه (شاليموه) بتاعة العصير الطويله و هتيجي علي حرفها تقصي مقدار قيراط بالطول و تفتحيها نصين تاني بحيث يكون اخر سم و نص منها مفتوحه 4 قطع زي المروحه كده

هنحط السكر و الكوفي و معلقه المايه المثلجه (مايه ساقعه معلقة كبيره فقط) و نحط عليهم المروحة اللي عملناها و نحرك الشاليموه ف راحة اليد بين الايدين ف الاتجاهين.

هتلاقي السكر و الكوفي و المايه اتحولو ل كريمه و كل ما تزودي فترة الخلط الخليط يتخن و لونه يفتح اكتر كان عليه كريمر و هو ما فيش فيه اي البان.

و بعدين نصب الماء المغلي و نقلب بالراحة جداً و بعدين نرش ع الوش الشوكليت بودر، ممكن تعملي شكل بيه ع الوش بالقوالب المخصص لها بس مش عندي حاليا.

ف حالة لو حابه بلبن يبقي نضيف اللبن سخن او لو ساقع نحط شويه صغيرين قبل المايه المغليه، لو لبن بودر او كريمر، هنضيفه ع الكريمه او الوش يعني اللي عملناه و نقلب كويس و بعدين نصب المايه المغليه

يقدم ساخن مع بسكويت او كيك ف الافطار. الف هنا و ادعيلي بقي :) :)