نبدا بسم الله ونجيب ريسبسيون نحط 2بيض مع رشة ملح ونصف كاس سكر ونخلط مليح

نضيف نصف كاس زيت ونواصل الخلط ثم نصف كاس حليب دافئ ونواصل الخلط مليح

نضيف بعد ذلك 2م ك كاكاو بني ونخلطو ثم نضيف 2كاس الاربع فرينة وكيس خميرة الحلوى ونخلط جيدا

نجيب سينة 25/28ندهنها بالزبدة ونرشها بالفرينة ونفرغ فيها الخليط تاعي ونشعل الفرن يسخن من قبل وندخل الكيك يطيب من تحت ثم نشعلو من فوق ونخرجو بعد ذلك ثم نسقيه بنصف كاس قهوة طايبة وباردة او حليب نخليه يبرد تماما

نجيب فالوقت هذا نحضر الكريمة نحط في ريسبسيون كاس شانتي مع نصف كاس حليب والنصف الاخر نحط فيه علبة فلان فانيلا ونخليها تذوب نطلع الشانتي تاعي مليح ثم نحط 2م ك جوز الهند ونخلط

بعد مابرد الكيك تماما نفرغ كمية الشانتي ونخليه القليل للتزينن من بعد نسويه سطح الشانتي مليح بالكوبات وندخلها المجمد

بعد ذلك نذوب نصف كاس حليب مع م ك شانتي وم ك زيت نحطهم عالنار كي يغلو نحط علبة شكولا بالحليب كي يذوب مليح نخليه يدفأ قليلا ثم نفرغ خليط الشكولا فوق الكريمة نسويه مليح ونرجعها المجمد بعد ذلك نخرجها ونقوم بتقطيها بواسطة سكين نسخنو عالنار في كل مرة ونقطع ثم نشكل ورود بالشانتي المتبقية

فالاخير نزين بقليل من الشكولا فوق كل وردة شانتي ونقدمها مع قهوة العصر جات بزاف بنينة