نبدأ بسم الله ونحط في صحن نصف دصر دجاج مرحي نحط عليه معدنوس وملح وفلفل اسود وتابل دجاج وعكري حلو ونجيب صحن آخر نحط فيه ربع كمية من اللحم المفروم نضيف عليه ملح ومعدنوس وسنات ثوم مرحيين وتابل اللحم وفلفل اسود ونضيف نصف حبة بيض على اللحم المفروم ونخلطو مليح ونخليه على جنب

نرجع لنصفوصدر دجاج نضيف عليه حبة بيض صغيرة ونحط 2م ك شابلير ونخلطو مليح ونخليه على جنب نقسم اللحم تاعي الى 3اجزاء ونجيب ورق شفاف نحطو على طاولة العمل نحل جزء من لحم الدجاج كنا في الصورة

نرجع نحط كرة أقل من الاولى من اللحم المفروم فوق الدجاج كما في الصورة ونحط ما ص جبن طري ونبدا نلف فالورق الشفاف على اللحم تاعي

ثم نجيب خيط مطبخ رقيق ونلف شكل اليقطينة على كل حبة حتى نكمل 3حبات نحطهم في صحن وباقي اللحم الفكرون شكلتو كرات من الكفتة

نجيب مول زجاجي نحط فيه كاس ماء ونشكل دوائر من الالمنيوم ونحط في كل دائرة حبة يقطين وندخلهم الفرن يطيبو بعد ماغطيتهم بورق الطبخ وورق المنيوم وخليتهم حوالى ساعة في الفرن حتى جابو مليح ونرجا نحضر المرق لي راح نقدم بيه طاجين اليقطين في طنجرة نحط نصف حبة بصل وسنات ثوم مرحيين ونحط قطعة دجاج وملح وفلفل اسود وتابل دجاج وكركم وراس الحانوت

نضيف ما ك زيت وكمية قليلة من الجلبانة (البازيلا) ونحط الطنجرة على النار ونخليها تتقلى مليح ثم نحط حبات الكفتة ونقلي الكل مليح ونمرق بالماء ونخلييها تطيب اي تستوي مليح وبعد ماطاب نفتح الطنجرة ونخليه يثقال فقط ونطفي النار

نرجع لحبات اليقطين بعد ماخرجتهم من الفرن نخليهم يبردو وننزع الخيط وورق الشفاف عليهم ونخليهم لوقت التقديم ثم نجيب مقلاة نحط فيها كمية قليلة من الزيت ونقلي حبات اليقطين

نجيب صحن التقديم ونحط فيه الحبات نزينهم بمعدنوس ونحط كمية من مرق الجلبانة (البازيلا) وحبات الكفتة

الشكل النهائي لطاجين اليقطين الكاذب جاء بزاف بنين قدمتو مع شربة فريك والف صحة وعافية