نبدأ بسم الله ونجيب طنجرة نحط فيها قطع دجاج نضيف عليهم بصلة وسنات ثوم مرحيين ثم نحط ملح وفلفل اسود وزنجبيل وعكري حلو وم ص هريسة ووتابل دجاج ونحط ما ك زيت ونقلي على النار مليح ثم نضيف 2م ك طماطم مصبرة ونحط الحمص ونقلي مليح ثم نمرق بالماء ساخن ونغلق ونخلي المرق يطيب ثم نجيب ثريدة جاهزة نحطها في قصعة نضيف عليها ما ك زيت ثم نحط فوق قدرة فيها ماء يغلي تفور

بعد مافارت المرة الاولى نحطها في القصعة ثم نزيدلها كمية من الماء ونخليها تنشف ثم نرجعها تفور ثم نحطها في قصعة

نحط التريدة في قصعة والمرا هذي نحطلها قليل من المرق ونخليها تتشربو مليح ثم نرجعلها فالكسكاس تفور مرا اخيرة

فالاخير نحط التريدة تاعي في كسرونة واسعة ونضيف عليها كمية من المرق ونخليها تتجمر على نار هادئة ونطفي النار ونجيب صحن التقديم ونحط فيها التريدة ونزينها بالحمص وقطع الدجاج وحبات الزرودية والفلفل الحار