نبدا بسم الله ونجيب طنجرة نحط فيها قطع لحم ونضيف عليهم بصلة وسنات ثوم مرحيين ثم نضيف الملح والزنجبيل والفلفل الاسود وتابل اللحم والعكري حلو ونحطها عالنار تتقلى

نضيف حبة طماطم مرحية ثم نحط معاها م ص مصبرة ونقلي مليح ثم نمرق بالماء ونغلق الطنجرة ونخلي اللحم يطيب مليح

بعد ذلك نجيب كمية من السباغيتي نقسمها آلى نصفين ونجيب طنجرة نحط فيها نصف لتر ماء نحطو م ص ملح ونحطها عالنار حتى يغلي الماء ونضيف عليها السباغيتي ونخليها تطيب مليح ثم نسقيها في كسكاس ثم نرجعلها في نفس الطنجرة ونصفي المرق فوقها ونرجع قطع اللحم فالطنجرة

نرجعلها عالنار تغلي حتى تتشرب المرق الاحمر ونطفي النار

نجيب صحن التقديم ونقدم مكرونة سباغيتي ونحط فوقها قطع اللحم ونزينها بمعدنوس

الشكل النهائي لطبق السباغيتي