نبدا بسم الله ونجيب 250غ لحم مفروم ونجيب رطل مقرونة اقلام ثم نجيب مقلاة نحط فيها 2م ك زيت

نضيف كمية اللحم المفروم فالمقلاة ونحلها مليح ثم نحط حبة بصل صغيرة مقطعة رقيقة ونقلي مليح ثم نحط ملح وراس الحانوت وزنجبيل وسنات ثوم نقلي الكل مليح

بعد ماتقلى مليح نضيف م ك طماطم مصبرة ونمرق بكمية من الماء ونخلي اللحم يطيب

نفرغ المعكرونة فالصحن ثم نجيب قدرة نحط فيها كمية من الماء نخليه يغلي نحط عليه م ص ملح ونضيف المعكرونة. تطيب مليح

بعد ماطابت نصفيها في كسكاس ونخليها تقطر مليح ثم نضيفها مباشرة على المرق ونخليها تغلي حتى تتشرب المرق ونطفي النار

فالاخير نجيب صحن التقديم ونحط معكرونة باللحم في صحن التقديم