نبدا بسم الله ونجيب طنجرة نحط فيها قطع الدجاج ونضيف عليهم البصل والثوم مرحيين ونحط الملح و التوابل المذكورة وم ك زيت

نحط الطنجرة عالنار تتقلى على نار هادئة ثم نضيف الحمص و2م ك طماطم مصبرة ونقلي مليح ثم نمرق بالماء ونخلي الدجاج يطيب ثم نرجع نجيب حفنة واسعة نحط فيها الشخشوخة انا شريتها جاهزة كما يمكن تحضيرها فالمنزل عجينتها تشبه عجينة المعارك او الميزات

نجيب كسكاس ونحطو فوق الطنجرة ونحط اوراق الفطير تفور مليح ثم نرجعلها للجفنة

بعد مافورت كمية من الفطير نقوم بتقطيعه عشوائيا ونخليه لحين التقديم ونرجع نفتح غالطنجرة ونخرج الدجاج ثم نحطو في مقلاة يتحمر مليح

نحط الدجاج بعد ماحمرتو في صحن ونرجع نجيب الطاجين المغربي نحط فيه كمية من الفطير مفتت

نسقي الفطير بالمرق تاعي بعد ماطاب ونحط الدجاج المحمر فالوسط ونزينها بحبات بيض مسلوق والحمص وحبة فلفل حار

فالاخير قدمت الفطير تاعي مع عصير المالديف وفلان الطبقات وصحن من الفواكه المشكلة