نبدأ بسم الله ونجيب حبة بطاطا وحبة كوسا نقشرهم وحبة طماطم ثم تغسلهم ونقطعهم مربعات وحبة الطماطم نرحيها

نجيب ربع صدر دجاج كبير نقطعو مربعات ونخليه يذوب وكأس ارز ونرجع نقلي البطاطا

نجيب الاشوار ونحط فيه الدجاج والخبز المرحي والمعدنوس وحبة بصل صغيرة و2سنات ثوم ونرحيهم مليح ونفرغ الخليط في صحن نضيف عليه حبة بيض ونخلط مليح ونضيف الملح والزنجبيل والتوابل والفلفل الاسود ونخلط مليح

بعد ماقليت البطاطا والكوسا نقراهم في صحن ونرجع نشكل اصابع من الدجاج ونحطها في مقلاة بها ما ك زيت و2م ك زبدة ونقليهم مليح على نار متوسطة

نحط اصابع الدجاج في صحن ونرجع في نفس المقلاة نحط كأس ارز بعد ماغسلتو مليح ونضيف عليه ما ص كركم وم ص عكري حلو وفص ثوم صغير توابل الارز

نقلي مليح ونضيف ما ص طماطم مصبرة ونواصل القلي مليح ثم نفرغ 2كأس ماء ساخن ونغطي الأرز ونخليه يطيب مليح حتى يتشرب كامل الماء

بعد ذلك نجيب طنجرة ثقيلة ندهنها بالزبدة مليح ونقطع ورق الطبخ نفس وسط الطنجرة ونحطو فالاسفل ثم نحط اصابع الدجاج على كامل السطح ثم كمية البطاطا ونسويها مليح

نرجع الأرز نطفي عليه النار ونرجع نحط حبة الكوسا فوق البطاطا

حبة الطماطم لي رحيتها نحطها في المقلاة حتى تذوب تماما ثم نفرغها فوق الكوسا ثم نفرغ كمية الأرز ونسويها مليح ونجيب ورق الطهي نقطعو نفس الشكل

بعد ذلك نغطي الطنجرة بورق الالمنيوم ونغطيها مليح ونحط غطاء الطنجرة ونشعل الفرن يسخن من تحت ونحط الطنجرة مدة 20د ونشعل من فوق حتى يتحمر الأرز مليح ونخرج الطنجرة

فالاخير نجيب صحن التقديم ونقلب مقلوبة الأرز والخضار والدجاج ثم نزينها بمعدنوس مقطع