نبدا بسم الله ونجيب رسبسيون نحط فيه الحليب دافئ مع نصف كاس ماء دافئ وعلبة زبادي ونخلط مليح ثم نضيف الخبرة والسكر

نخلط جيدا ونضيف يياض بيضة ونحتفظ بالصفار

نضيف كاس فرينة ونخلطو مليح ونخليها تختمر مدة 10د ثم نرجع نقطع نصف صدر دجاج

نرحي الدجاج تاعي ونضيفلو الخردل والبصل و2فص ثوم و التوابل ونخلط مليح مع 1شابلير ونخلطو جيدا بعد ما اختمرت العجينة نضيفلها نصف كاس زيت ونخلطو مليح ونبدا باضافة الفرينة ونضيف الملح ونلم العجينة ونخليها تختمر وونغطيها بورق شفاف

نرجع نشكل صبيعات بالدجاج حتى نكمل كامل اللحم ثم نجيب مقلاة نحط فيها 4م ك زيت نخليه يسخن ونقلي اصابع الدجاج من كلا الجهتين حتى يتحمر مليح

نرجع العجين. بعد ما اختمر نحطو فوق سطح العمل ونقطعو كرات وزن كل كرة 70غ ثم نجيب ورق طهي نحطو في سينيات الفرن ونشكل كرات العجينة شكل بيضوي حتى نكمل كامل العجينة ونرجع نحط اصابع الدجاج فوق كل حبة ونخليهم يختمرو مليح ثم ندهنهم بصفار البيض ونرش عليهم سينوج ونشعل الفرن يسخن وندخلهم يطيبو من تحت ثم نشعل عليهم يتحمرو من فوق

نخرج مملحات من الفرن ونخليهم يبردو تماما

فالاخير شكل المملحات تاعي جاو كتير حلوين لعجينة خفيفة قطنية يقدم مع شربة او حساء الخضار