نبدأ بسم الله ونجيب نصف صدر دجاج مرحي ولحم مرحي ونتبل الدجاج بالملخ والفلفل اسود وزنجبيل وبابريكا حلوة و2فص ثوم مرحيين وراس الحانوت وم ص كزبرة ونخلطت حبة بيض كبيرة نفسهم بين الدجاج واللحم المفروم نرجع لحم المفروم نفس الشي لكن نضيفلو توابل اللحم ونحطو 2 ملعقة ك شابلير فالدجاج و2م ك شابلير باللحم المفروم وبقدونس فالاثنين ونخلط جيداً

نرجع نجيب ورق شفاف ونشكل فالاول كرة صغيرة من اللحم الفروم نضع داخلها قطعة جبن ونكورها جيداً ثم نشكل كرة كبيرة من لحم الدجاج ونضع داخلها كرة اللحم المفروم ونلف ورق شفاف عليها جيداً ثم نجيب خيوط ونشكل شكل اليقطينة ونكمل باقي لحم الدجاج بنفس الطريقة انا لحم الدجاج خرجلي4يقطينات او لحم المفروم شكلت منه حبات كفتة واحتفظت بالباقي في الثلاجة

نرجع نحضر المرق نحط في كسرونة قطع دجاج وحبة بصل مرحية و2فص ثوم مرحيين ونضيف ملح وفلفل اسود وزنجبيل وم ك زيت ونحطها على النار تتقلى جيداً ثم نضيف كمية من الجلبانة (البازيلا) نقليها جيداً ونرجع نحط لليقطينات في كسكاس نحطهم يفورو على حمام مائي حتى يتماسك اللحم جيداً

بعد ما تفورو فالكسكاس جيداً نحطهم فالمرق ونمرق بالماء ونخليهم يطيبو جيداً

بعد ماطابو نخرج كرات اليقطين ونحطهم في صحن نخليهم يبردو وبمقص نقطع الخيط والورق الشفاف ونجيب مقلاة نحط فيها كمية من الزيت ونقلي الحبات جيدة وقطعة الدجاج

فالاخير شكل المرق بعد ماطاب نجيب صحن التقديم ونحط كمية الجلبانة (البازيلا) وحبات الكفتة ثم نحط حبات اليقطين في الوسط ونزين بقطعة الدجاج